Europe - Otta Nottathil - message_without

Advertisements

ഇന്റര്‍നെറ്റ് ഇല്ലാതെയും ഇനി സന്ദേശം കൈമാറാം

Photo #1 - Europe - Otta Nottathil - message_without_internet

ന്യൂയോര്‍ക്ക്: ഇന്‍റര്‍നെറ്റ് ഇല്ലാതെ സന്ദേശങ്ങള്‍ അയയ്ക്കാന്‍ സഹായിക്കുന്ന പുതിയ ഓഫ് ലൈന്‍ മെസേജിങ് ആപ്പുമായി ട്വിറ്റര്‍ സഹസ്ഥാപകന്‍ ജാക്ക് ഡോര്‍സി. ബിറ്റ് ചാറ്റ് (ആശഇേവമേ) എന്നു പേരിട്ടിരിക്കുന്ന ഈ ആപ്പ് വൈഫൈ, മൊബൈല്‍ ഡേറ്റ എന്നിവ ഉപയോഗിച്ച് പ്രവര്‍ത്തിക്കുന്ന സാധാരണ മെസേജിങ് ആപ്ളിക്കേഷനുകളില്‍ നിന്ന് വ്യത്യസ്തമായി ബ്ളൂടൂത്ത് സാങ്കേതിക വിദ്യയുടെ സഹായത്തോടെയാണ് ബിറ്റ് ചാറ്റ് പ്രവര്‍ത്തിക്കുന്നത്.

ഇന്‍റര്‍നെറ്റ് ലഭ്യമല്ലാത്തതോ സിഗ്നല്‍ കുറഞ്ഞതോ ആയ ഉള്‍പ്രദേശങ്ങളില്‍ സന്ദേശങ്ങള്‍ കൈമാറാന്‍ ഈ ആപ്ളിക്കേഷന്‍ ഏറെ പ്രയോജനകരമാകും. സന്ദേശങ്ങള്‍ എന്‍ക്രിപ്റ്റ് ചെയ്ത് അയയ്ക്കാനാകും എന്നത് സ്വകാര്യത ഉറപ്പാക്കുന്നു. പിയര്‍~ ടു~ പിയര്‍ ആശയവിനിമയമാണ് ബിറ്റ് ചാറ്റിന്‍റെ പ്രധാന ലക്ഷ്യമെന്നും ഇത് സ്വകാര്യത വര്‍ധിപ്പിക്കുമെന്നും കമ്പനി അറിയിച്ചു.

ഇന്‍റര്‍നെറ്റ് ഇല്ലാതെ പ്രവര്‍ത്തിക്കുന്നതിനാല്‍ ഉപയോക്താക്കള്‍ക്ക് പരിമിതമായ കണക്റ്റിവിറ്റിയിലൂടെയും വിവരങ്ങള്‍ കൈമാറാന്‍ സാധിക്കും. സന്ദേശങ്ങള്‍ കൈമാറുന്നതിനും സൂക്ഷിക്കുന്നതിനും കേന്ദ്രീകൃത സെര്‍വറുകളോ ഇടനിലക്കാരോ ഇല്ലാത്തതിനാല്‍ സന്ദേശങ്ങള്‍ മൂന്നാം കക്ഷികളിലൂടെ കടന്നു പോകുകയോ കേന്ദ്ര സംവിധാനങ്ങളില്‍ സംഭരിക്കപ്പെടുകയോ ചെയ്യുന്നില്ല. സന്ദേശങ്ങള്‍ എന്‍ഡ്~ടു~എന്‍ഡ്

എന്‍ക്രിപ്ഷനിലൂടെയാണ് കൈമാറ്റം ചെയ്യപ്പെടുന്നത്. ഇത് ഉപയോക്താക്കളുടെ സ്വന്തം ഉപകരണങ്ങളില്‍ മാത്രമാണ് സംഭരിക്കുന്നത് എന്നതും രഹസ്യാത്മകത വര്‍ധിപ്പിക്കുന്ന ഘടകമാണ്. ഈ ആപ്ളിക്കേഷന്‍ ഉപയോഗിക്കുന്നതിന് ഫോണ്‍ നമ്പറോ മറ്റു വ്യക്തിഗത വിവരങ്ങളോ ആവശ്യമില്ല. ഇത് ഉപയോക്താവിനെ കേന്ദ്രീകരിച്ചുള്ള വിവരശേഖരണം, ട്രാക്കിങ് എന്നിവ തടയുന്നു.

ബിറ്റ് ചാറ്റ് ആപ്പില്‍ അയയ്ക്കുന്ന സന്ദേശങ്ങള്‍ നിശ്ചിത സമയത്തിനു ശേഷം സ്വയം അപ്രത്യക്ഷമാകുന്ന രീതിയില്‍ ക്രമീകരിക്കാനും സാധിക്കും. ഉള്‍പ്രദേശങ്ങളിലെ ജോലികള്‍ക്കും ദുര്‍ഘടമായ മേഖലകളില്‍ രക്ഷാപ്രവര്‍ത്തനം നടത്തുന്നവര്‍ക്കും പരസ്പരം സന്ദേശങ്ങള്‍ കൈമാറാന്‍ ഈ ആപ്ളിക്കേഷന്‍ ഏറെ സഹായകമാകും. നിലവിലുള്ള പല ആപ്പുകളെയും അപേക്ഷിച്ച് ഉയര്‍ന്ന സ്വീകാര്യത നല്‍കുന്നതിനൊപ്പം ഉള്‍പ്രദേശങ്ങളില്‍ വലിയ സഹായമായി മാറുകയും ചെയ്യുന്നു ബിറ്റ് ചാറ്റ്.

- dated 15 Jul 2025

Comments:

Keywords: Europe - Otta Nottathil - message_without_internet Europe - Otta Nottathil - message_without_internet,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: